ცხელი აგვისტოს მიუხედავად, წელს ქართული კლუბური ცხოვრება შეჩერებას არ აპირებს და გასართობი ღონისძიებების ნაკლებობას საერთოდ არ უჩივის. თუ თქვენ ჯერ კიდევ არაფერი დაგიგეგმავთ, Business Feed მოგიყვებათ, სად და როგორ შეძლებთ გართობას მომავალი კვირის განმავლობაში.
KOMOREBI
Komorebi სტუმრებს მსოფლიო თუ ადგილობრივი პოპულარული არტისტის ჰარმონიულ სივრცეში გაერთიანებას ჰპირდება. ფესტივალი ქალაქ ბათუმიდან 18 კილომეტრის მოშორებით, ციხისძირში, 5 და 6 აგვისტოს გაიმართება.
5 აგვისტოს ფესტივალის ჰედლაინერები იქნებიან: Catnapp, Creams, Digital Groove Affair, Kvanchi, MCMLXXXV, Rezo Glonti, Vnjoka B2B Mariami და Zurkin.
ლაინაფში გამოსარჩევია ბოლო პერიოდის საკმაოდ პოპულარული ქართველი არტისტი და პროდიუსერი Creams. პოპულარობით სარგებლობს მისი ტრეკები – DIE 4 YOU და RUN. ყველაზე დიდი წარმატება კი სიმღერამ SLEEP ON ME მოუტანა, რომელიც Netflix-ის საკულტო სერიალ Lucifer-ის ერთ-ერთ ეპიზოდში საუნდტრეკადაც გამოიყენეს.
6 აგვისტოს კი სცენაზე არტისტები Matrixxman, Ndrx B2B Zitto, Takaaki Itoh და Yanamaste წარდგებიან.
ფესტივალის სტუმრებს მწვანე ვენიუ უმასპინძლებს, რომელიც შავი ზღვის სანაპიროზე მდებარეობს. კომორების ერთდღიანი ბილეთების ფასი კალათების მიხედვით – 60-იდან 90 ლარამდეა, ხოლო ორდღიანის – 100-იდან 160 ლარამდე. აუცილებელია იმის აღნიშვნაც, რომ შემოსული თანხის ნაწილით ორგანიზატორები უკრაინის ომში დაღუპული ქართველი გმირების ოჯახებს დაეხმარებიან.
SWING
5-7 აგვისტოს საქართველოში კიდევ ერთი სამუსიკო ფესტივალი Swing ჩატარდება. სტუმრებს როგორც ცნობილი, ასევე ელექტრონიკის ჟანრის შედარებით ახლად გამოჩენილი არტისტების მოსმენის საშუალება მიეცემათ. ლაინაფში ქართველ და ასევე, ბევრ უცხოელ ანდერგრაუნდ მუსიკოსსაც შევხვდებით.
თავდაპირველად, ფესტივალი 30 ივლისს უნდა დაწყებულიყო და მისი მასპინძელი ოქროს ტბა და ქალაქი ფოთი უნდა ყოფილიყო. თუმცა, თავდაპირველი თარიღი და ლოკაცია შეიცვალა და ფესტივალს ბათუმის ძველი ბულვარის ტერიტორიაზე არსებულ 3 კლუბი: ზღვაზე • Zgvaze, BAHN და GATE/Botanico მასპინძლობს. აღსანიშნავია, რომ GATE/Botanico სტუმრებს ორ სცენას შესთავაზებს, სადაც პარალელურად სხვადასხვა არტისტი დაუკრავს.
6 და 7 აგვისტოს მუსიკის მოყვარულებს შეუძლიათ, კლუბ ზღვაზე • Zgvaze Mzesumzira Stage-ს ეწვიონ.
აქ პირველ დღეს Gio Shengelia-ს, Huerta-ს, Oshana-სა და RATI b2b KDEMA-ს, ხოლო მეორე დღეს Toke-ს, Luca Lozano-ს, Quest-ისა და Vas+++ B2B Audio Space-ის მოსმენას შეძლებენ.
სამივე დღის განმავლობაში სტუმრებს უმასპინძლებს კლუბი BAHN. კლუბის ლაინაფი ასე გამოიყურება:
5 აგვისტო:
Liza Rivs, George Effe, Psyk, Oscar Mulero, Helena Hauff, Yanamaste
6 აგვისტო:
Skyra, Anthony Linell, Dvs1, HVL, Greenbeam & Leon, Lilith
7 აგვისტო:
Alba Heidari, Anabel Arroyo, Etapp Kyle, James Newmarch, B2B Voicedrone.
ასევე, სამივე დღის განმავლობაში ღია იქნება Gate-ისა და Botanico-ს სცენებიც, რომელთა ლაინაფიც ასეთია:
Botanico Line Up
5 აგვისტო:
Mancho, Rydeen, Generali Minerali, Esi,
6 აგვისტო:
Lasha Guruli, Parna, Sumo, Vako T
7 აგვისტო:
Wesley Wise, Tekkon, Third Soul, Hudson, Kura
Gate Line Up
5 აგვისტო:
DJ Delorean, Will Gates, Roman Flugel, Gene on Earth, Ash Scholem
6 აგვისტო:
Hatsvali, Bekuchi, D.Tiffany B2B REGULARFANTASY, Cobert, MISSTEIKK, Dr.Banana
7 აგვისტო:
Kramur, Bero, DJ Masda, Z@P, Zurkin
Swing ფესტივალზე დასასწრები ერთდღიანი პირველი კალათის ბილეთის ფასი 70 ლარია, ხოლო სამდღიანი აბონემენტის Full Pass-ის საფასური – 140 ლარი.
