საქართველოს ბანკმა რამდენიმე თვის წინ მომხმარებლებს ეკომეგობრული პროდუქტი – ენერგოკრედიტი შესთავაზა. მისი დახმარებით მეწარმეებს მზის პანელების დამონტაჟება და საკუთარი ელექტროსადგურის გამართვა შეუძლიათ.
ენერგოკრედიტს რამდენიმე მიზანი აქვს. ერთი მხრივ, ის ხელს უწყობს ქვეყანაში განახლებადი ენერგიის პოპულარიზაციას, მეორე მხრივ კი, მეწარმეებს ელექტროენერგიის ხარჯებს უზოგავს და მნიშვნელოვან ფინანსებს უთავისუფლებს.
2020 წელს ბიზნესს ელექტროენერგიის გადასახადი დაახლოებით 50-75%-ით გაეზარდა. გაძვირებული ტარიფი კიდევ უფრო მწვავე პრობლემად იქცა პანდემიის ისედაც კრიზისულ პერიოდში. ენერგოკრედიტიც ბანკმა ამ კრიზისის საპასუხოდ შექმნა. პირობების მიხედვით, ბიზნესის წარმომადგენლებს მასში იმდენივეს გადახდა უწევთ, რამდენსაც ისინი ელექტროენერგიაში ტარიფების გაძვირებამდე იხდიდნენ.
ერთ–ერთი კომპანია, რომელმაც ენერგოკრედიტით სარგებლობა გადაწყვიტა, მეტეხის კერამიკაა. ის კერამიკულ ბლოკსა და აგურს აწარმოებს და, საქმიანობიდან გამომდინარე, ელექტროენერგიის ჭარბად მოხმარება სჭირდება. ტარიფები მას ორჯერ გაუძვირდა, რაც მძიმე ტვირთად დააწვა საწარმოს.
„2020 წელს ელექტროენერგიაში 750 ათას ლარამდე გადავიხადეთ. ტარიფის გაძვირების შემდეგ მივხვდით, რომ მომდევნო წელს ჩვენი ხარჯი მილიონ–ნახევარს ასცდებოდა. ჩვენს ქარხანას კი არ აქვს იმდენი მოგება, რომ ამხელა თანხები მარტივად დაფაროს. ამიტომ, გადავწყვიტეთ, ენერგოდამოუკიდებლობისკენ გადაგვედგა ნაბიჯები, რაშიც საქართველოს ბანკის ენერგოკრედიტი გვეხმარება“, – ამბობს მეტეხის კერამიკას აღმასრულებელი დირექტორი დავით კაკაბაძე.
კომპანიამ მზის ელექტროსადგურის პროექტი უკვე შეიმუშავა, მზის პანელებიც შეიძინა და ახლა მის საქართველოში ჩამოსვლას ელოდება. დავით კაკაბაძე ვარაუდობს, რომ ის წლის ბოლომდე დამონტაჟდება და ელექტროენერგიაზე საწარმოს მოთხოვნას 40-50%-ით დააკმაყოფილებს.
მას შემდეგ, რაც მეტეხის კერამიკას მზის ელექტროსადგური ამუშავდება, დავით კაკაბაძის გამოთვლებით, საწარმოს წლიურად დაახლოებით 500 ათასი ლარი დაეზოგება. კომპანიას სესხში გაცილებით ნაკლები თანხის გადახდა მოუწევს, ვიდრე ის ელექტროენერგიის საფასურში იხდიდა. სესხის მთლიანად დაფარვის შემდეგ კი, საწარმო მისთვის საჭირო ელექტროენერგიის დაახლოებით ნახევარს სრულიად უფასოდ მიიღებს.
„მომდევნო წელს ახალი პანელების დამატებასა და მზის ელექტროსადგურის გაფართოებას ვგეგმავთ. გვინდა, რომ მან ჩვენი წარმოება ელექტროენერგიით სრულად უზრუნველყოს და ბოლომდე ენერგოდამოუკიდებლები გავხდეთ“, – ამბობს დავით კაკაბაძე.
თუ თქვენც გსურთ საკუთარი ელექტროსადგურის გამართვა, ენერგოდამოუკიდებლობის მოპოვება და ბიზნესხარჯების მნიშვნელოვნად შემცირება, გადადით ბმულზე, შეავსეთ მარტივი განაცხადი და ისარგებლეთ ენერგოკრედიტით.
