თიბისი ბიზნესის მხარდასაჭერად კიდევ ერთ ტექნოლოგიურ სიახლეს ნერგავს. მცირე ონლაინბიზნესებისთვის ცხოვრების გასამარტივებლად, თიბისიმ ონლაინ გადახდის ახალი პროდუქტი – ბმულით გადახდა შექმნა.
მცირე ონლაინბიზნესების უდიდესი ნაწილი, ვებგვერდის გარეშე ოპერირებს ონლაინსივრცეში, რადგან ვებგვერდის შექმნა და მართვა ხარჯებთან და დამატებით ადამიანურ რესურსებთან არის დაკავშირებული. ასეთი ონლაინმაღაზიები, პროდუქტის გაყიდვისას უპირატესობას სოციალური ქსელებს – ფეისბუქს და ინსტაგრამს ანიჭებენ.
ონლაინმაღაზიის წარმომადგენელს თავად შეუძლია შექმნას ბმული და მომხმარებელს გაუზიაროს ელ-ფოსტით, ჩატის მეშვეობით ან მოკლე ტექსტური შეტყობინებით და მომენტალურად მიიღოს გადახდა.
ონლაინ გადახდა მომხმარებლისთვისაც ძალიან მარტივი და კომფორტულია, რადგან იგი თავად ირჩევს გადახდის სასურველ გზას: ბარათით, ქიუარით, ინტერნეტ და მობაილბანკით, ერთგული ქულებით, Apple Pay-ით ან განვადებით.
თიბისის ბმულით გადახდის გააქტიურებით ბიზნესი არა მხოლოდ იღებს გადახდას მარტივად, არამედ შესაძლებლობა ეძლევა, სრულფასოვნად მართოს ონლაინშეკვეთები სპეციალური სამართავი სივრცის მეშვეობით. ამ სივრციდან ბიზნესის წარმომადგენელს შეუძლია გადახდის ბმულის გენერირება, პროდუქციის კალათის დამატება და რედაქტირება და ტრანზაქციების ამონაწერის ნახვა.
